ወካዕበ ናስተበቍዓይ.ካ. ወካዕበ ናስተበቍዓ ለንግሥተ ኵልነ ማርያም እምነ ወእሙ ለእግዚ እነ ወመድኃኒነ ኢየሱስ ክርስቶስ ንስእል ወነኃሥሥ ናስተበቍዕ ወንዌድስ ዕበየ ተአምራቲሃ ብዙኀ ለእመ ጸባኦት ንጉሥ እለ ትነብሩ ተንሥኡ ወእለ ታረምሙ አውሥኡ ማርያምሃ በቃለ ስብሐት ጸውዑ ቁሙ ወአጽምኡ ተአምረ ድንግል ከመ ትስምዑ። ይ.ዲ. ጸልዩ ቅድመ ሥዕላ ለቅድስት ድንግል መርዓተ አብ ወእመ በግዑ ይ.ሕ. ቡርክት አንቲ ማርያም ንግሥት አንቲ ማርያም ሠናይት አንቲ ማርያም ወቡሩክ ፍሬ ከርሥኪ መድኃኔ ዓለም።. ይ.ካ. ንዑ ንስግድ ወንግነይ ላቲ ንዑ ንትፈሣሕ ወንትሐሠይ ባቲ እስመ አምላክ ይእቲ ዘበድንግልና ክልኤቲ ዛቲ ይእቲ ትንቢቶሙ ለነቢያት ሞገሰ ስብከቶሙ ለሐዋርያት እሞሙ ለሰማዕት ወእኅቶሙ ለመላእክት ላቲ ይደሉ ክብር ወስብሐት ወለወልዳ አምልኮ ወስግደት በምድር ወበሰማያት በባሕር ወበቀላያት ለዓለመ ዓለም አሜን። |