ተአምረ

ሃሌ ሉያ ሃሌ ሉያ ንስግድ ለአበ ብርሃናት ወለወልድ ዋሕድ ወለመንፈስ ቅዱስ ጰራቅሊጦስ ስሉስ ዕሩይ፡፡ ሰላም ለማርያም ንግሠት ወዐጸድ ዘበአማን ዘኢተገበርጥ ተረክበ አስከለ በረከት፡፡ ህየ ወልደ እግዚአብሔር ዘበአማን መጽአ ወተሰብአ እምኔሃ ወወለደቶ ወአድኀነነ ወሰረየ ለነኀጣውኢነ፡፡ እርከብኪ ፀጋ ኦድንግል እስከ ብዙኀን ተናገሩ ለክብርኪ እስመ ቃለ አብ መጽአ ወተሰብአ እምኔኪ ሃሌ ሉያ ፀኁ ትንጽሩ ኀበ ዛቲ መርዓት ዘሥርጉት ለእመ በግዕ ወዑጽፍት በዝንቱ ስብሐት ዐቢይ፡፡ በከመ ይቤ ወልደ ነጐድጓድ ዮሐንስ ድንግል ወንጹሕ ይጸርሕ እንዘ ይብል፡ እስመ አብርሃት ዛቲ መርዓት ፈድፋደ እመከበበ ጽባሕ ዛቲ ይእቲ ጽዮን ሐዳስ፡፡ ሀገረ አምላክነ፣ ዘኃደረ ላእሌሃ፡፡ ፈሥሐ ኩሎሙ ነቢያት ቅዱሳን፡፡ ዐይኑ ዘተገብረ ፈውስ፡፡ እምቅድመ ትትወለዲ ድንግል እምቤተ ክህነት ወንግሥ፡፡ መድኃኒተ ዓለም ከነ ደመ ጽጌኪ ክርስቶስ፡፡ እስግድ ለተአምርኪ በአብራከ ሥጋ ወንፍስ፡፡ በከመ ሰገደ ለወልድኪ ዮሐንስ በከርሥ፡፡ (ተአምር አግባ፡፡) በረከታቲሃ ለዛቲ እግዝእትነ ቅድስት ማርያም ወላዲተ መድኃኒነ ሃሌ ሉያ ሃሌ ሉያ ሃሌ ሉያ የሃሉ ላዕለ ኩልነ ሕዝብ፡ ለመስቀልከ እግዚኦ ንፌኑ፣ ስብሓተ ሃሌ ሉያ ሃሌ ሉያ፡፡ ሰላም ለከ ዮሐንስ ወልደ ነጐድጓድ ሰላም ለከ ዩሐንስ አቡ ቀለምሲስ ሰላም ለከ ዮሐንስ ቴዎሎሎስ ሰላም ለከ ዮሐንስ ፍቁረ እግዚእ ሰላም ለከ ዮሐንስ ድንግል ሰላም ለከ ዮሐንስ ወንጌላዊ ሰላም ለከ ዮሐንስ ዘረፈቀ ውስተ ሕፅኑ ለኢየሱስ፡፡ ሰላም ለክሙ ጴጥሮስ ወሳውሎስ ያዕቆብ ወዮሐንስ ወእንድርያስ ፊልጶስ ወበርተሎሚዎስ ቆማስ ወማቴዎስ ወያዕቆብ ወልደ እልፍዮስ ታዴዎስ ወናትናኤል ወማትያስ ሉቃስ ወማርቆስ ወያዕቆብ ኤጲስ ቆጶስ ለደቂቅከሙ በርኩነ በቅዱስ መንፈስ ሰላም ለኪ ማርያም ኀኀተ ምሥራት ዘወልደ ኖሬ ሰላም ለኪ ማርያም ዘእስከደሬ ሰላም ለኪ በትረ አሮን ጸዋሪተ ፍሬ አንተ ወለድኪ ፈጣሬ፡፡ ሰላም ለኪ ዘምስለ ዝማሬ ንሰግድ ለኪ ሰበ ይትበብ መጽሐፈ ተአምርኪ ሕዝበኪ ጉቡአን ማርያም ባርኪ፡ ወእንድርያስ ፊልጶስ ወበርተሎሚዎስ ቆማስ ወማቴዎስ ወያዕቆብ ወልደ እልፍዮስ ታዴዎስ ወናትናኤል ወማትያስ ሉቃስ ወማርቆስ ወያዕቆብ ኤጲስ ቆጶስ ለደቂቅከሙ በርኩነ በቅዱስ መንፈስ ሰላም ለኪ ማርያም ኀኀተ ምሥራት ዘወልደ ኖሬ ሰላም ለኪ ማርያም ዘእስከደሬ ሰላም ለኪ በትረ አሮን ጸዋሪተ ፍሬ አንተ ወለድኪ ፈጣሬ፡፡ ሰላም ለኪ ዘምስለ ዝማሬ ንሰግድ ለኪ ሰበ ይትበብ መጽሐፈ ተአምርኪ ሕዝበኪ ጉቡአን ማርያም ባርኪ፡፡ ወላዲተ አምላክ ማርያም አንበለ ሰብሰብ ወሩከቤ፡፡ በይነዝ አቅረብኩ ለኪ ንስቲተ ቃለ ደባቤ፡፡ ፈትቲ በረከተ አፋኪ ሙሓዘ ከርቤ፡፡ ለነዳይ ብእሲ ወለዘረከቦ ምንዳቤ ኀብስተከ ፈትት ኢሳይያስ ይቤ፡፡ ስብሐት ለኪ ማርያም በኁልቈ መላእክት ዘአርያም፡፡ ስብሐት ለኪ ማርያም በኁልቈ ርደቱ ለዝናም፡፡ ስብሐት ወክብር ወሰጊድ ለተአምርኪ ዩም ወበተአምርኪ ተፈሥሓ ኩሉ ዓለም፡፡ ኢየሱስ ክርስቶስ ጥዑመ ስም በዘይጼውዖ፡፡ ኢየሱስ ክርስቶስ ኀብስተ ሕይወት ለዘይበልዖ፡፡ ኢየሱስ ክርስቶስ ጽዋዓ መድኀኒት ለዘይጸምዖ፡፡ ከመይባርኩነ ይፈኑ አርዲኦ ለፀባኢነ ይጽብአ ወልታሁ ነሢኦ፡፡ ኢየሱስ ክርስቶስ ዘአጽልእቲሁ፡፡ ምስሌሁ፡፡ ወመስቀለ ሞቱ ቅድሜሁ አዘቅተ ወይን ገቦሁ ቁርባነ አምልኮ ሥጋሁ፡፡ ያብአነ ቤተ መርዓሁ ውስተ ደብተራሁ አመ ይትጋብኡ ለምሳሕ ሥርግዋን ሐራሁ፡፡ ለጥብሓ ሥጋከ እሴሰዮ ወለነቅዓ ደምከ እረውዮ ኢየሱስ ክርስቶስ በግዕ ዘቀራንዮ፡፡ ለላሕይከ እትሜነይ ከመእርአዮ፡፡ ውስተ ሰይሐ ሱራፊ ለስእለትየ ደዮ፡፡ በሕማመ ሞትከ አምላከዊ ለቁስልየ አጥዕዮ፡ ለጥብሐ ሥጋከ እጸግቦ፡፡ ወለንቅዓ ደምከ እሰርቦ ኢየሱስ ክርስቶስ በግዕ ርጉዘ ገቦ፡፡ አይሁዳዊ ከሃዲ አሜነ ሥላሴ ዘአልቦ፡፡ ኢተወልደ እማርያም ዘይቤለከ እመበ፡፡ ጽጐጓተ ዓለም ለይዑድ ከመ ከልብ ርኂቦ፡፡ ተአምረ ኢየሱስ አንብብ፡፡ አመ ትመጽእ ለኰንኖ ምስለ ደመ ገቦ ወአዕጋር፡፡ አማሕፀንኩ ነፍስየ ውስተ እዴክ ክቡር፡፡ ኢየሱስ ክርስቶስ እግዚኦ ሰማያት ወምድር ፡፡ ይትዋቀሉ በእንቲአየ ተኰርአትክ በበትር፡፡ ወተሠይጦትከ ከመ ገብር ለኀዳጥ ብሩር፡፡ ስብሐት ለከ ኢየሱስ በአፈ ኩሉ ውዱስ፡፡ ስብሐት ለከ ኢየሱስ ቅዳሴ ሥጋ ወነፈስ፡፡ ስብሐት ለከ ኢየሱስ ለዕሩቃን ልብስ፡፡ ስብሐት ለከ ኢየሱስ ዘኢትሠአር ንጉሥ ስብሐት ለከ ኢየሱስ ቃለ አብ ቅዱስ፡፡