ዉዳሴሃ^ቂ ለእግዝእትነ^ተ ማርያም^ጣ ድንግል^ቂ ወላዲተ-አምላክ^ጣ ዘይትነበብ^ፍ በዕለተ-ሰኑይ።^ጣ ፈቀደ^ተ እግዚእ^ጣ ያግእዞ^ተ ለአዳም^ጣ ኅዙነ^ተ ወትኩዘ-ልብ^ጣ ወያግብኦ^ተ ኀበ-ዘትካት^ጣ መንበሩ።^ቂ ሰአሊ^ተ ለነ^ተ ቅድስት።^ጣ

፪ ሠረቀ^ተ በሥጋ^ቂ እምድንግል^ጣ ዘእንበለ-ዘርአ-ብእሲ^ቂ ወአድኀነነ^ተ ለሔዋን^ፍ እንተ-አስሐታ^ቂ ከይሲ^ቂ ፈትሐ^ተ ላዕሌላ^ቂ እግዚአብሔር^ጣ እንዘ-ይብል^ጣ ብዙኀ^ተ አበዝኆ^ቂ ለሕማምኪ^ተ ወለፃዕርኪ^ተ ሠምረ^ተ ልቡ^ጣ ኀበ-ፍቅረ-ሰብእ^ጣ ወአግአዛ።^ቂ ሰአሊ^ተ ለነ^ተ ቅድስት።^ጣ

፫ ኢየሱስ^ጣ ክርስቶስ^ጣ ቃል^ጣ ዘተሰብአ^ተ ወኀደረ^ተ ላዕሌነ^ተ ወርኢነ^ተ ስብሐቲሁ^ቂ ከመ-ስብሐተ-አሐዱ^ቂ ዋሕድ^ጣ ለአቡሁ^ቂ ሠምረ^ተ ይሣሃለነ።^ተ ሰአሊ^ተ ለነ^ተ ቅድስት።^ጣ

ርእየ^ተ ኢሳይያስ^ተ ነቢይ^ጣ በመንፈሰ-ትንቢት^ቂ ምሥጢሮ^ቂ ለአማኑኤል^ፍ ወበእንተዝ^ቂ ጸርሐ^ተ እንዘ-ይብል^ጣ ሕፃን^ጣ ተወልደ^ተ ለነ^ተ ወልድ^ጣ ተዉህበ^ተ ለነ።^ተ ሰአሊ^ተ ለነ^ተ ቅድስት።^ጣ

፭ ተፈሣሕ^ፍ ወተኀሠይ^ፍ ኦ^ቂ ዘመደ-እጓለ-እመ-ሕያዉ^ጣ እስመ-አፍቀሮ^ቂ እግዚአብሔር^ጣ ለዓለም^ጣ ወመጠወ^ተ ወልዶ^ቂ ዋሕደ^ተ ከመ-ይሕየዉ^ፍ ኵሉ^ቂ ዘየአምን^ፍ ቦቱ^ቂ እስከ-ለዓለም^ጣ ፈነወ^ተ ለነ^ተ መዝራዕቶ^ቂ ልዑለ።^ተ ሰአሊ^ተ ለነ^ተ ቅድስት።^ጣ

፮ ዘሀሎ^ቂ ወይሄሉ^ተ ዘመጽአ^ተ ወካዕበ^ተ ይመጽእ^ቂ ኢየሱስ^ጣ ክርስቶስ^ጣ ቃል^ጣ ዘተሰብአ^ተ እምኔኪ^ተ ዘእንበለ-ዉላጤ^ቂ ኮነ^ተ ፍጹመ^ተ ሰብአ^ተ ኢተበዐደ^ተ ወኢተፈልጠ^ተ በኵሉ^ቂ ግብሩ^ቂ ወልድ^ጣ ዋሕድ^ጣ አላ^ቂ አሐዱ^ቂ ራእይ^ጣ ወአሐዱ^ቂ ህላዌ^ቂ ወአሐዱ^ቂ መለኮት^ቂ ዘእግዚአብሔር^ቂ ቃል።^ጣ ሰአሊ^ተ ለነ^ተ ቅድስት።^ጣ

፯ ተፈሥሒ^ተ ኦ^ቂ ቤተ-ልሔም^ጣ ሀገሮሙ^ተ ለነቢያት^ቂ እስመ-በኀቤኪ^ተ ተወልደ^ተ ክርስቶስ^ጣ ዳግማይ^ጣ አዳም^ጣ ከመ-ያግብኦ^ተ ለአዳም^ጣ ቀዳሚ^ቂ ብእሲ^ቂ እምድር^ጣ ዉስተ-ገነት^ጣ ይስዐር^ፍ ፍትሐ-ሞት።^ጣ ኦ^ቂ አዳም^ጣ መሬት^ጣ አንተ^ተ ወትገብእ^ፍ ዉስተ-መሬት።^ጣ ኀበ-ሀለወት^ፍ ብዝኀት^ጣ ኃጢአት^ጣ በህየ^ቂ ትበዝኅ^ተ ጸጋ-እግዚአብሔር።^ጣ ሰአሊ^ተ ለነ^ተ ቅድስት።^ጣ

፰ ትትፌሣሕ^ፍ ወትትኀሠይ^ፍ ኵሉ^ቂ ነፍስተ-ሰብእ^ጣ ምስለ-መላእክት^ጣ ይሴብሕዎ^ተ ለክርስቶስ^ጣ ንጉሥ^ጣ ይጸርሑ^ተ ወይብሉ^ተ ስብሐት^ጣ ለእግዚአብሔር^ጣ በሰማያት^ጣ ወሰላም^ጣ በምድር^ጣ ሥምረቱ^ቂ ለሰብእ፣^ጣ እስመ-ሰዐረ^ተ ዘትካት^ጣ ወነሠተ^ተ ምክሮ^ቂ ለጸላዒ^ቂ ወሠጠጠ^ተ መጽሐፈ-ዕዳሆሙ^ተ ለአዳም^ጣ ወለሔዋን^ፍ ወረሰዮሙ^ተ አግዓዝያነ^ተ ዘተወልደ^ተ ለነ^ተ በሀገረ-ዳዊት^ጣ መድኃኒነ^ተ ኢየሱስ^ጣ ክርስቶስ።^ጣ ሰአሊ^ተ ለነ^ተ ቅድስት።^ጣ

፱ ብርሃን^ጣ ዘበአማን^ጣ ዘያበርህ^ፍ ለኵሉ^ቂ ሰብእ^ጣ ለእለ-ይነብሩ^ተ ዉስተ-ዓለም^ጣ በእንተ-ፍቅረ-ሰብእ^ጣ መጻእከ^ተ ዉስተ-ዓለም^ጣ ወኵሉ^ቂ ፍጥረት^ጣ ተፈሥሐ^ተ በምጽአትከ^ተ እስመ-አድኀንኮ^ቂ ለአዳም^ጣ እምስሕተት^ጣ ወረሰይካ^ቂ ለሔዋን^ፍ አግአዚተ^ተ እምጻዕረ- ሞት^ጣ ወወሀብከነ^ተ መንፈሰ-ልደት።^ጣ ባረክናከ^ተ ምስለ-መላእክቲከ።^ተ ሰአሊ^ተ ለነ^ተ ቅድስት።^ጣ