መልክዐ ሥላሴሰላም ለንዋየ ውስጥ ምሕረትክሙ ፤ ትሩፋተ ገድል ኩኑኒ ሥላሴ አምጣነ ትሩፋት አንትሙ፤ ሶበ ሖርኩሰ ከመ እሳተፍ ገድሎሙ ፤ ጊዮርጊስ ኢወሀበኒ መጠነ ነጥበ ጠል እምደሙ፤ ወተክለ ሃይማኖት ከልአኒ ስባረ እምዐፅሙ፡፡ ዚቅሃሌ ሉያ ለአብ ሃሌ ሉያ ለወልድ ሃሌ ሃሌ ሉያ ወለመንፈስ ቅዱስ፤ አክሊለ ሰማዕት ሠያሜ ካህናት፤ ወረደ እምሰማይ ዲበ ምድር፤ በመስፈርተ ጥበቡ ለአቡሁ፤ |
መልክዓ ውዳሴተፈሥሒ ማርያም ዚቅብፅዕት ከርሥ እንተ ፆረተከ ወብፁዓት አጥባዕት እለ ሐፀናከ፤ ተክዕወ ሞገስ እምከናፍሪከ፡፡ |
ምልጣንአባ አቡነ መምህርነ እምአዕላፍ ኅሩይ ሐውጽ እምሰማይ፤ ብርሃነከ ከመ ንርአይ አማን ተክለ ሃይማኖት ፀሐይ፡፡ እስመ ለዓለምኖላዊነ ዘወረደ ኖላዊ ኄር ዘወረደ እምሰማያት፤ ኖላዊሆሙ ለእሥራኤል አንሥእ ኃይለከ ወነዓ አድኅነነ፤ አንሥእ ኃይለከ ወነዓ አድኅነነ ተዘከር ኪዳነከ፤ አንሥእ ኃይለከ ወነዓ አድኅነነ ዘምስለ አብርሃም ፍቁርከ፤ ይስሓቅ ቊልዔከ ወ፳ኤል ቅዱስከ፡ አንሥእ ኃይለከ ወነዓ አድኅነነ፤ ሐውጽ እምሰማይ ወርኢ ፡ ወእምድልው ጽርሐ መቅደስከ፤ አንሥእ ኃይለከ ወነዓ አድኅነነ እስመ ወረድከ እምሰማይ ከመ ታድኅን ሕዝበከ፤ አንሥእ ኃይለከ ወነዓ አድኅነነ ተዘከር ኪዳነከ ዘመሐልከ ለዳዊት ገብርከ፤ አንሥእ ኃይለከ ወነዓ አድኅነነ ወኢንርኃቅ እምኔከ አሕይወነ ንጸውዕ ስመከ፤ አንሥእ ኃይለከ ወነዓ አድኅነነ አብርህ ገጸከ ላዕለ ገብርከ ፤ እግዚኡ ለተክለ ሃይማኖት ስማዕ ቃለ ሕዝብከ፡፡ |
ሰላምባርከኒ አባ እንሣእ በረከተከ በእንተ ሰላማ ለቅድስት ቤተ ክርስቲያን፤ አባ ባርከኒ እንሣእ በረከተከ፡፡ መዝሙርሃሌ ሉያ (2) ኖላዊሆሙ ዘመጽአ ውስተ ዓለም፤ ወልዱ ወቃሉ ለእግዚአብሔር፤ ዘወረደ እምላዕሉ በአቅሙ ክርስቶስ ፤ እስመ ውእቱ እግዚአ ለሰንበት ፤ ይቤሎ አብ ለወልዱ ፡ ወልድየ ንበር በየማንየ፡፡ |
መልክዓ ሚካኤልሰላም ለሕጽንከ እንተ በዲቤሁ ሕቁፍ ፤ ጸሎተ ቅዱሳን ዉኩፍ፤ ሚካኤል ክቡር መስፍነ ትጉሃን አእላፍ፤ ለረዲኦትየ ከመ ዘይሰርር ዖፍ ፤ እንዘ ትሰርር ነዓ በክልኤ አክናፍ፡፡ ዚቅእስመ አሐዱ ውእቱ፡ ሚካኤል ዘይረድኦሙ ለኵሎሙ ቅዱሳን፡፡ |
|
ሰላም ለዝክረ ስምኪ ዘመንክር ጣዕሙ . . . ቅንዑ ለእንተ ተዓቢ ጸጋ መድኀኒት ለነፍስ ወሥጋ፤ እስመ ርቱዓት ፍናዊሃ ጸድቃን የሐውርዎን፤ ወኃጥአን ይስዕንዎን ዘእንበለ ትብጻሕ ግብተ አሠንዩ ፍኖተ ይፈኑ ለክሙ እመቅደሱ ረድኤተ፡ መድኀኒተ ፡ መቤዛዊተ እሞ ቅድስተ፡፡ |
ነግሥሰላም ለልደትከ ተክለ ሃይማኖት ሐዋርያ፤ ለሰብአ ግብጽ ወኢትዮጵያ፤ ሞገሰ ልደትከ አባ አዕይንቲሃ ርእያ፤ ነፍስየ ትባርኮሙ ወታስተበጽኦሙ ነያ፤ ለጸጋ ዘአብ ወለእግዚእ ኃረያ ፡፡ ዚቅኮከብ ብሩህ ዘሠረቀ እምአቅሌስያ ቤተ ክርስቲያን ዘንሰምያ፤ ኮኖሙ አበ ለሰብአ ግብፅ ወኢትዮጵያ፤ አማን ተክለ ሃይማኖት ሐዋርያ፡፡ |
መልክዐ ተክለ ሃይማኖትሰላም ለፅንሰትከ ወለልደትከ እምከርሥ፤ አመ ዕሥራ ወረቡዑ ለወርኃ ታኅሳስ፤ ተክለ ሃይማኖት በኵሉ ወበውስተ ኵሉ ዉዱስ፤ ናሁ ወጠንኩ ወእቤ ለስብሐቲከ ሐዲስ፤ በስመ አብ ወወልድ ወመንፈስ ቅዱስ፡፡ ዚቅበእንተ ልደቱ ለተክለ ሃይማኖት አድባር ኮኑ ኅብስተ ሕይወት፤ ወዕፀወ ገዳምኒ ፈረዩ አስካለ በረከት፤ ማየ ባሕርኒ ኮነት ሀሊበ ወመዓረ፤ ወመላእክት ተጋቢዖሙ፤ ሰፍሑ ክነፊሆሙ፤ ወጸለሉ ላዕለ ተክለ ሃይማኖት፤ ወበህየ ገብሩ በዓለ፡፡ |
|
ሰላም ለልሳንከ በሠሉስ ዕለት ዘተውህባ፤ አኰቴተ ታቅርብ ለወልደ ማርያም ንጉሠ ሕዝባ፤ ተክለ ሃይማኖት ጸዋሚ ዮሐንስ ዘቤተ ራባ፤ ታሠምረከ ልሳንየ በአምጣነ ኵሉ ንባባ፤ ከመ አሥመሮሙ ያዕቆብ ለላባ፡፡ ዚቅከሠተ አፉሁ ወልሳኑ ነበበ፤ አእኰቶ ወባረኮ ለእግዚአብሔር፤ መልዓ መንፈስ ቅዱስ ላዕለ ተክለ ሃይማኖት፤ ተነበየ ወይቤ አንሥአ ለነ ቀርነ መድኃኒትነ፡፡ |
|
ሰላም ለሕንብርትከ ማእከለ ከርሥ ሀላዊ ፤ ዘተቶስሐ በደሙ ለወልደ ማርያም ናዝራዊ፤ ተክለ ሃይማኖት ጽጌ ዘሠረጽከ እምአረጋዊ፤ ተበሀሉ በእንቲአከ ካህናተ ይሁዳ ወሌዊ፤ መልአክኑ ሰማያዊ ወብእሲ ምድራዊ፡፡ ዚቅበከመ ዜነዎ መንፈሳዊ ለጸጋ ዘአብ አረጋዊ፤ ተክለ ሃይማኖት ተወልደ ዓርኩ ለመርዓዊ ሰማያዊ፡፡ |
|
ሰላም ለቆምከ ዘጶደሬ ሰማይ ልብሱ፤ ልሳናት ቦቱ እለ ይቄድሱ፤ ተክለ ሃይማኖት በለዝ ለእግዚአብሔር ዐምደ መቅደሱ፤ ጸውዐኒ እትሉ እግዚኦ ኀበ እግርከ አንሶሱ፤ ከመ ተለዎ ለሙሴ ኢያሱ፡፡ ዚቅሃሌ ሉያ (3) ዘለዓለም ፍሡሕ ገጹ ብሩህ እምነቢያት፤ ልሳኑ በሊህ ዘለዓለም ፍሡሕ ቆሙ ነዊህ፤ ዲበ ዕንግድዓሁ ጽሕሙ ስፉሕ ዘለዓለም ፍሡሕ፤ ዕንባቆምኒ ይቤ ድምፆ ሰማዕኩ ግብሮ አንከርኩ፤ ፍኖቶ ዘእምዓለም ርኢኩ፡፡ |
|
እንዘ አኃሥሥ በረከተከ አእዳወ ልብየ በአንሥኦ፤ እለ መርሐ ክርስቶስ ወጴጥሮስ ከመ ኀሠሡከ በተማልዖ፤ ተክለ ሃይማኖት ዉኁደ አሰአልኩከ በአስተበቊዖ ፤ ለጻድቅሰ ኅዳጥ ቃል ይበቊዖ፤ ተሰጥወኒ እግዚኦ እግዚኦ፡፡ ዚቅአባ ተክለ ሃይማኖት ጸሊ በእንቲአነ፤ እንዘ ብዙኅ ውዳሴከ ዉኁደ ነገርኩ፤ ይኩነኒ ምዝጋና፡፡ |