መሐረነ አብ

መሐረነ አብ ሃሌ ሉያ ተሣሃለነ ወልድ ሃሌ ሉያ መንፈስቅዱስ መሐሪ ተዘከረነ በሣህልከ ለከ ንፌኑ ስብሐት ወለከ ናዐርግ አኮቴተ መሐረነ መሐሪ ኃጢዓተነ አስተሥሪ ወአድነነ ወተማህፀነ ነፍስነ ወሥጋነ ክርስቶስ ወልደ እግዚአብሔር አምላክነ ወመድኃኒነ ኢየሱስ ክርስቶስ ተሣሃለነ በብዝ ምሕረትከ ደምስስ አበሳነ ወፈኑ ሣህለከ ላዕሌነ እስመ እምሀቤከ ውእቱ ሣህል ሃሌ ሉያ መሐረነ አብ መሐሪ ወተሣሃለነ ሀብ ሣህለከ መሐሪ ኢጥፍአነ ተዘኪረከ ዘትኝት በምሕረትከ እስመ መሐሪ አንተ ወብዙኀ ሣህልከ ለኩሎሙ እለ ይጼውዑከ ይጼውዑከ በጽድቅ ሰማዒ ወትረ ከሃሊ ዘውስተ አድህኖ ከሃሊ ዘውስተ አድህኖ ለአምላክነ ጻድቅ እስመ ጽድቅ ቃሉ ንስአሎ ለአብ ይፈኑ ለነ ሣህሎ እስመ አብ የአክል ለዘሰአሎ ሃሌ ሉያ ስብሐት ሎቱ ይደሉ ሃሌ ሉያ አኮቴት ሎቱ ይደሉ ሃሌ ሉያ ለክርስቶስ ለእግዚአ ኩሉ ሃሌ ሉያ ሃሌ ሃሌ ሉያ ወይእዜኒ መኑ ተስፋየ አኮኑ እግዚአብሔር ውስተ እዴከ እግዚኦ አማኀፅን ነፍስየ ኀበ አምላከ ምሕረት አማኀፅን ነፍስየ ኀበ ንጉሠ ስብሐት አማኀፅን ነፍስየ በእግዚእየ ወአምላኪየ አማኀፅን ነፍስየ እምኩሉ ምግባረ እኩይ አድህና ለነፍስየ ሀቡ ንስአሎ ንስአሎ ናስተምሕሮ ለአምላክነ ጻድቅ እስመ ጽድቅ ቃሉ ዘይከል ኩሎ ወአልቦ ዘይሰአኖ አምላከ ነዳያን ረዳኤ ምንዱባን ንሕነ ኀቤከ ተማኀፀነ ዘይክል ኩሎ ወአልቦ ዘይስአኖ አምላከ ነዳያን ናዛዜ ኀዙናን ንሕነ ኀቤከ ተማህፀነ ዘይክል ኩሎ ወአልቦ ዘይሰአኖ አምላከ ነዳያን ወተስፋ ቅቡፃን ንሕነ ኀቤከ ተማህፀነ

ኦ እግዚአብሔር አብ አኀዜ ኩሉ ዓለም መሐረነ ኦ ወልድ ዋሕድ ኢየሱስ ክርስቶስ ተሣሃለነ ኦ ጰራቅሊጦስ መንፈሰ ጽድቅ ሥረይ ለነ አበሳነ ወሀሎ ምስሌነ እስመ አልብነ ረዳኢ በጊዜ ምንዳቤ ወኃዘን እስመ ዘእንበሌከ ባዕድ ኢነአምር ኤሎሄ ኤሎሄ ዘአመ ትቤ በጽራሕከ ተማህፀነ ምህላነ ስማዕ አምላክነ ወበከመ አቀብከነ እምነግህ እስከ ሠርክ ዕቀበነ እግዚኦ እምሠርክ እስከ ነግህ (3 ጊዜ) ተሣህልከ እግዚኦ ምድረከ ሃሌ ሉያ ስማዕ ጸሎተነ ወስእለተነ ወሥረይ ኩሎ ኃጢዓተነ ስማዕ ጸሎተነ ወሚጥ መዓተከ እምኔነ ሃሌ ሉያ ንዒ ኀቤየ እንቲአየ ሠናይት ርግብየ መዓዛ አፉሃ ከመ ኮል ወኩሎ ነገራ በሰላም አርእየነ እግዚኦ ሣህለከ ሃሌ ሉያ መልአከ ሰላምነ ሊቀ መላእክት ሚካኤል ሰአል ወጸሊ በእንቲአነ አዕርግ ጸሎትነ ቅድመ መንበሩ ለንጉሥ ዐቢይ ገብርኤል አብሠራ ለማርያም ወይቤላ ትወልዲ ወልደ ወይነግሥ ለቤተ ያዕቆብ ለዓለም ወአልቦ ማህለቅት ለሰላሙ ዮሐንስ ክቡር ነቢየ ልዑል ብእሴ ሰላም ዘንብረቱ ገዳዑ ሰአል ለነ ጊዮርጊስ ኀበ እግዚአብሔር ወጸሊ በእንቲአነ ሐረድዎ ወገመድዎ ወዘርው ሥጋሁ ከመ ሐመድ ወወሰድዎ ኀበ ሰብአ ነገሥት ረገጸ ምድረ አንስአ ሙታን አባ ጊዮርጊስ በሰላም ዐተወ መንግሥተ ክብር ወረሰ ጻድቅሰ ከመ በቀልት ይፈሪ ወይበዝህ ከመ ዘግባ ዘሊባኖስ ገብረ መንፈስ ቅዱስ ኖመ ኖመ ኢየሩሳሌም በፍሥሐ ወበሰላም ብፁዕ አባ አቡነ ተክለሃይማኖት ዘዔለ ገዳማት እመኀበ እግዚኡ ይንሳእ እሴተ ቦአ ሀገረ ደብረ ሊባኖስ በፍስሐ ወበሰላም ባርከኒ አባ እንሣእ በረከትከ በእንተ ሰላማ ለቅድስት ቤተ ክርስቲያን አባ ባርከኒ እንሣእ በረከትከ ሣህል ወርትዕ ተራከባ ጽድቅ ወሰላም ተሰዓማ አመ ተሰምዐ ዜናከ በዓረብ ዜና ማርቆስ ክቡር መምህረ ሰላም አክብር ለማርቆስ አመ ይትገበር ተዝኝረ ትንሣኤከ በገሊላ ምስለ አርዳኢከ በህየ ንትራከብ ኩልነ አመ ይገብር መድምመ ይቤሎሙ ኢየሱስ ለአርዳኢሁ ማርቆስ ይበቁዓኒ ይስብክ ትንሣኤከ በፍስሐ ወበሰላም ማኀደረ ሰላምነ ቅድስት ደብተራ እሞሙ ለሰማዕት ወእቶሙ ለመላእክት ንዑ ንስገድ ኩልነ ኀበ ማርያም እምነ መስቀል ብርሃን ለኩሉ ዓለም መሠረተ ቤተክርስቲያን ወሃቤ ሰላም መድኃኔዓለም ለእለ ቦቱ አመነ በኃይለ መስቀሉ ድህኅነ ሰላመ አብ ወሰላመ ወልድ ወሰላመ መንፈስ ቅዱስ የሀሉ ማእከሌክሙ አኃው

እስመ አልብነ ረዳኢ በጊዜ ምንዳቤ ወኃዘን እስመ ዘእንበሌከ ባዕድ ኢነአምር ኤሎሄ ኤሎሄ ዘአመ ትቤ በጽራሕከ ተማህፀነ ምህላነ ስማዕ አምላክነ

ወበከመ አቀብከነ እምነግህ እስከ ሠርክ ዕቀበነ እግዚኦ እምሠርክ እስከ ነግህ (3 ጊዜ)

ተሣህልከ እግዚኦ ምድረከ ሃሌ ሉያ ስማዕ ጸሎተነ ወስእለተነ ወሥረይ ኩሎ ኃጢዓተነ ስማዕ ጸሎተነ ወስእለተነ ዘሰማዕኮ ጸሎቶ ወስእለቶ ለዕዝራ ተወከፍ ምህላነ ሰላመከ ሀበነ እማዕከሌነ ኢትርኃቅ

ወሚጥ መዓተከ እምኔነ ሃሌ ሉያ ንዒ ኀቤየ እንቲአየ ሠናይት ርግብየ መዓዛ አፉሃ ከመ ኮል ወኩሎ ነገራ በሰላም

አርእየነ እግዚኦ ሣህለከ ሃሌ ሉያ መልአከ ሰላምነ ሊቀ መላእክት ሚኝኤል ሰአል ወጸሊ በእንቲአነ አዕርግ ጸሎትነ ቅድመ መንበሩ ለንጉሥ ዐቢይ

ገብርኤል አብሠራ ለማርያም ወይቤላ ትወልዲ ወልደ ወይነግሥ ለቤተ ያዕቆብ ለዓለም ወአልቦ ማለቅት ለሰላሙ

ዮሐንስ ክቡር ነቢየ ልዑል ብእሴ ሰላም ዘንብረቱ ገዳዑ

ሰአል ለነ ጊዮርጊስ ኀበ እግዚአብሔር ወጸሊ በእንቲአነ ሐረድ− ወገመድ− ወዘርው ሥጋሁ ከመ ሐመድ ወወሰድ− ኀበ ሰብአ ነገሥት ረገጸ ምድረ አንስአ ሙን አባ ጊዮርጊስ በሰላም ዐተወ መንግሥተ ክብር ወረሰ

ጻድቅሰ ከመ በቀልት ይፈሪ ወይበዝህ ከመ ዘግባ ዘሊባኖስ ገብረ መንፈስ ቅዱስ ኖመ ኖመ ኢየሩሳሌም በፍሥሐ ወበሰላም

ብፁዕ አባ አቡነ ተክለሃይማኖት ዘዔለ ገዳማት እመኀበ እግዚኡ ይንሳእ እሴተ ቦአ ሀገረ ደብረ ሊባኖስ በፍስሐ ወበሰላም

ባርከኒ አባ እንሣእ በረከትከ በእንተ ሰላማ ለቅድስት ቤተ ክርስቲያን አባ ባርከኒ እንሣእ በረከትከ

ሣህል ወርትዕ ተራከባ ጽድቅ ወሰላም ተሰዓማ አመ ተሰምዐ ዜናከ በዓረብ ዜና ማርቆስ ክቡር መምህረ ሰላም አክብር ለማርቆስ

አመ ይትገበር ተዝኝረ ትንሣኤከ በገሊላ ምስለ አርዳኢከ በህየ ንትራከብ ኩልነ አመ ይገብር መድምመ ይቤሎሙ ኢየሱስ ለአርዳኢሁ ማርቆስ ይበቁዓኒ ይስብክ ትንሣኤከ በፍስሐ ወበሰላም

ማኀደረ ሰላምነ ቅድስት ደብተራ እሞሙ ለሰማዕት ወእህቶሙ ለመላእክት ንዑ ንስገድ ኩልነ ኀበ ማርያም እምነ

መስቀል ብርሃን ለኩሉ ዓለም መሠረተ ቤተክርስቲያን ወሃቤ ሰላም መድኃኔዓለም ለእለ ቦቱ አመነ በኃይለ መስቀሉ ድኅነ

ሰላመ አብ ወሰላመ ወልድ ወሰላመ መንፈስ ቅዱስ የሀሉ ማእከሌክሙ አኃው