ዋዜማርእየ ሙሴ ማርያምሃ ዕፀ ጳጦስ እንተ ኢያውዓያ እሳተ መለኮት፤ ርእደ ሙሴ ወስዕነ ጠይቆቶ ኃይለ መለኮቱ ዘላዕሌሁ ሀሎ፤ ዘቀደሰ ክህነቶ ለአሮን ወረደ ወመጽ ለአድኅኖ፡፡ |
ምልጣንርእደ ሙሴ ወስዕነ ጠይቆቶ ኃይለ መለኮቱ ዘላዕሌሁ ሀሎ፤ ዘቀደሰ ክህነቶ ለአሮን ወረደ ወመጽአ ለአድኅኖ፡፡ ወረደ ወመጽአ ለአድኅኖ፡፡ |
በሐምስትሕጻን ተወልደ ለነ ዘስሙ አማኑኤል ሕጻን ተወልደ ለነ፡፡ እግዚአብሔር ነግሠእንተ ክርስቶስ በግዕት እንተ ታስተርኢ እምርኁቅ ብሔር፤ በቤተልሔም አስተርከበት ዕጓላ አንበሳ ግሩመ ወለደት፡፡ |
ይትባረክይቀድም ትርሢታ መራናታ ማዕደ፤ ወማዕጠንታኒ ዘወርቅ፡፡ ሠለስትዕፀ ጳጦስ ይእቲ እንተ በአማን ደብተራ ፍጽምት እንተ በላዕሌሃ ተመርዓወ ቃል ሰአሊ ለነ ማርያም ኀበ እግዚአብሔር በእንተ ነፍሰ ኵልነ ፡፡ |
ሰላምሃሌ ሉያ (2) ተጋብዑ በቅጽበት ለግንዘተ እሙ ቅድስት ብፁዓን ሐዋርያት፤ ቦኡ ኀቤሃ በሰላም አምኁ ኪያሃ በስብሐት ገነዙ ሥጋሃ ፡፡ |
መልክዐ ሥላሴሰላም ለኵልያቲክሙ እለ ዕሩያን በአካል፡ ዓለመክሙ ሥላሴ አመ ሐወፀ ለሣህል፡ እምኔክሙ አሐዱ እግዚአብሔር ቃል ፡ ተፈጸመ ተስፋ አበው በማርያም ድንግል ወበቀራንዮ ተተክለ መድኃኒት መስቀል ዚቅሃሌ ሉያ ለአብ፣ ሃሌ ሉያ ለወልድ ፣ ለመንፈስ ቅዱስ ፤ ሥላሴ ዋህድ እፎኑመ እመ አምላክ በከየት ደንጊፃ ከመ ኵሉ ሰብእ፤ ሞት ሶበ ሐወፃ ዮሐንስ በልብሱ ከደነ ገጻ፡፡ |
ነግሥለምንት ይዜኃር ኃያል በኃይሉ፤ ወባዕል በብዝኀ ብዕሉ፤ ኢያድለወ ሞተ ክርስቶስ ለሥጋ አባሉ፤ ሞትሰ ለመዋቲ ይደሉ፤ ሞታ ለማርያም የአፅብ ለኵሉ፤ ዚቅእንበይነዝ አእምሩ በውስተ ፍትሕ ከመ ኢያደሉ፤ ትጥዓም ሞተ እሙ ወእመ ኵሉ፤ አዘዘ ወልድ በርቱዕ ቃሉ፡፡ |
መልክዐ ማርያምሰላም ሰላም ለዝክረ ስምኪ ሐዋዝ፤ እምነ ከልበኔ ወቊስጥ ወእምነ ሰንበልት ምዑዝ፤ ማርያም ድንግል ለባሲተ ዐቢይ ትዕዛዝ፤ ይስቅየኒ ለለጽባሑ ወይነ ፍቅርኪ አዚዝ፤ ከመ ይሰቅዮ ውኂዝ ለሠናይ አርዝ፡፡ ዚቅለዛቲ ብእሲት ሠረቀ ላዕሌሃ ብዕለ ጸጋሁ ለአብ፤ ወአግዓዛ እም እኩይ ውስተ ሠናይ ፤ እሞት ውስተ ሕይወት ፤ ወረሰየ ይዝክሩ ስማ ውስተ ኵሉ ዓለም፡፡ |
|
ሰላም ለእስትንፋስኪ ዘመዓዛሁ ሕይወት፤ ከመ መዓዛ ዕፅ ኅሩይ ዘውስተ ገነት፤ ማርያም ድንግል ቤተ ቅድሳት፤ ጽንሕኒ ውስተ ሠናይ ወሠውርኒ እሞት፤ በአክናፍኪ ርግብየ ኅሪት፡፡ ዚቅአንጺሖ ሥጋሃ ቀዲሶ ኪያሃ፤ ኀደረ ቃል ላዕሌሃ፤ ሃሌ ሉያ ሃሌ ሉያ ሃሌ ሉያ፤ ወይቤላ ለድንግል ሃሌ ሉያ ሃሌ ሉያ ሰሎሞን ይቤላ እኅትየ መርዓት ርግብየ ሠናይት ፤ ፍናወ ዚአኪ ገነት እስመ ኪያኪ ኀርየ ለታዕካሁ፤ ከመ ትኩኒዮ ማኅደረ ለልዑል፡፡ |
|
ሰላም ለገቦኪ ዘሐልማለ ወርቅ ክዳኑ፤ በከመ ዳዊት ይዜኑ፤ ማርያም ድንግል ለያዕቆብ ሞገሰ ስኑ፤ በልኒ እግዝእትየ አፈቅረከ አኮኑ፤ እንዘ ረዳኢትከ አነ ዘይክለከ መኑ፡፡ ዚቅወስኑሰ ለያዕቆብ ዘይቤ ይእቲ ሥጋ እንተ ነሥአ መድኅን እማርያም፡፡ |
|
ሰላም ለጸአተ ነፍስኪ እንበለ ጻዕር ወጻማ፤ ለነቢር ዘልፈ በየማነ ወልድኪ ፌማ ፤ ማርያም ድንግል ክልልተ ሞገስ ወግርማ፤ አጽንዒ በረድኤትኪ ለሕይወትየ ድካማ፤ እም ሕይወተ ኄራን አበው ኢታሕጽጺ ዐቅማ፡፡ ዚቅጊዜ ዕረፍታ ለማርያም ወረደ ወልድ እምዲበ ልዕልና፤ ጠሊሳነ ንግሥ ሶቤሃ ከደና ፡፡ |
|
ሰላም እብል በድነ ሥጋኪ ጽሩየ ፤ ዘተመሰለ ባሕርየ፤ ማርያም ድንግል ዐፀደ ወይንየ ፤ ንስቲተ ለዕበይኪ እንተ አቅረብኩ ግናየ ፤ ኢይትኀደግ ዲበ ምድር ምሥጢ ሰማየ፡፡ ዚቅኦ ትቤ ማርያም እወጽእ እምዝንቱ ሥጋየ ወአሐውር ውስተ ሕይወት ዘለዓለም፤ ኦ ተዘከርኬ ዮሐንስ ዘይቤለከ ሊቅ አመ ትረፍቅ ዲበ ዕንግድዓሁ፡፡ |
|
ሰላም ለግንዘተ ሥጋኪ በእደ ሐዋርያት አርጋብ ፤ በአፈወ ዕፍረት ቅድው ዘሐሳበ ሤጡ ዕፁብ፤ ማርያም ድንግል ወለተ ኅሩያነ ሕዝብ፤ ረሰይኩኪ እግዝእትየ ህየንተ እም ወአብ ፤ ይሕፅነኒ ከመ ጥብ ፍቅርኪ ሐሊብ፡፡ ዚቅተጋብዑ በቅጽበት ለግንዘተ እሙ ቅድስት ብፁዓን ሐዋርያት፤ ቦኡ ኀቤሃ በሰላም አምኁ ኪያሃ በስብሐት ገነዙ ሥጋሃ ፡፡ |
|
ሰላም ለመቃብርኪ ለጌቴሴማኒ በመርኅባ፤ እንተ ይእቲ ለኢየሩሳሌም ቅሩባ፤ ማርያም ድንግል ለሀገረ መንግሥት ርግባ፤ ትትሜጦ ወርቀ እምአፌር ወጸበለ አፈው እምሳባ፤ ጌቴሴማኒ ለሥጋኪ ምስካባ፡፡ ዚቅሃሌ ሃሌ ሉያ ዓውዳኒ ዘጽድቅ ወመርህባኒ ዘዕንቊ አድኅኖ ሐዲስ ንድቅ፡፡ |
|
ሰላም ለመቃብርኪ ለኢየሩሳሌም በአድያማ፤ እንተ ይእቲ ጌቴሴማን ስማ፤ ማርያም ሰንበት ዕረፍተ ጽዑራን እምጻማ፤ አመ ኀደረ ላዕሌኪ ፀሐየ ቅዱሳን ዘራማ፤ ኀይለ ልዑል ጸለለኪ በመንክር ግርማ፡፡ ዚቅኢይሜንንዋ ኪያሃኒ ወዓድያሚያኒሃ ጽድቅ ቅድስት ሀገረ እግዚአብሔር፡፡ |
ማኅሌተ ጽጌእግዚአብሔር ጽጌ ትንቢት ለቢሶ ሥጋኪ ሥጋ ዚአነ፤ አመ አስተርአየ በምድር ወተአምረ ለነ፤ ንዌድሰኪ እንዘ ንብል ምክሐ ዘመድነ፤ ዮም በፍስሐ ለማርያም እምነ፤ አስተርእዮ በሰማይ ኮነ፡፡ ዚቅዘሰፍሐ ሰማየ እምድንግል አስተርአየ፤ እሞ ወላዲቶ ኪያሃ ረሰየ፤ መንጽሔ አበሳ ወሀበነ ማየ፤ ሞጣሕተ ግርማ አልበሰነ በስብሐት ርሡየ፡፡ |
ምልጣንኢኮነ ነግደ . . . |
ቅንዋትዕፎኑ ንዜኑ ዕፎ ዕንጋ ንዜኑ እንበለ ይተመሰው ማኅፀነ ድንግል ኢማሰነ፤ ዘኵሄ ሀሎ ወአልቦ አመ ኢሀሎ፤ ዕፎ ዕንጋ ማኅፀነ ድንግል ፆሮ፤ ሰማይ ወምድር ዘኢያገምሮ፤ ዕፎ ዕንጋ ማኅፀነ ድንግል ፆሮ፤ ነቢያት ቀደሙ አእምሮ ፤ ዕፎ ዕንጋ ማኅፀነ ድንግል ፆሮ፤ ሐዋርያት ተለዉ አሠሮ፤ ዕፎ ዕንጋ ማኅፀነ ድንግል ፆሮ፤ ዕንባቆም ነቢይ ዘአንከረ ግብሮ፤ ዕፎ ዕንጋ ማኅፀነ ድንግል ፆሮ፤ ዕሌኒ ንግሥት ሐሠሠት መስቀሎ፤ ዕፎ ዕንጋ ማኅፀነ ድንግል ፆሮ፤ ወለዕውርኒ ዘከሠተ ዓይኖ፤ ዕፎ ዕንጋ ማኅፀነ ድንግል ፆሮ፤ ወለሰይጣንኒ ዘቀጥቀጠ ኃይሎ፤ ዕፎ ዕንጋ ማኅፀነ ድንግል ፆሮ፤ ፆረቶ እግዝእቱ ለአዳም ወአግመረቶ ማርያም ፡፡ |
አቡንሃሌ ሉያ ወበውእቱ መዋዕል ወጽአ ትእዛዝ እምኀበ ቄሣር ንጉሥ፤ ከመ ይጸሐፍ ኵሉ ዓለም ፤ ማርያምሰ ወለደት ወልደ ዘበኵራ ቤዛነ ዓቃቤ ነፍሳቲነ፤ እስመ እምዘርዓ ዳዊት ዘመጽአ ፤ በቤተልሔም ዘይሁዳ፡፡ |
ዓራራይእንተ ክርስቶስ በግዕት እንተ ታስተርኢ እምርኁቅ ብሔር፤ ከመ መድበለ ማኅበር እንተ ትሔውጽ እምአድባር፤ እንተ ኮነት ምክሐ ለኵሎን አንስት፤ ኢያውዓያ እሳተ መለኮት፤ ሱራፌል ወኪሩቤል ይኬልልዋ፤ ንጽሕት በድንግልና አልባቲ ሙስና፤ መድኀኒት ይእቲ ንብረታ ጽሙና ፤ ፀምር ፀዓዳ እንተ አልባቲ ርስሐት ፡፡ |
ቅንዋትእምሰማያት . . . |
ሰላምተጋብዑ በቅጽበት ለግንዘተ እሙ ቅድስት ብፁዓን ሐዋርያት፤ ቦኡ ኀቤሃ በሰላም አምኁ ኪያሃ በስብሐት ገነዙ ሥጋሃ ፡፡ |
|
ወአስተጋባእክዋ ለዛቲ መለትለት በተፋጥኖ ለእመ ኀደጉ ወገደፍኩ አንትሙ ማእምራን ወአርትዕዋ ወንግሩኒ መካና፡፡ |