ሥርአተ ዋዜማአብሠራ ገብርኤል ለማርያም ወይቤላ ትወልዲ ወልደ ሚካኤል መልአክ በክነፍ ጾራ መንጦላዕተ ደመና ሠወራ ንጽሕት በድንግልና አልባቲ ሙስና ወልድ ተወልደ ተወልደ እምኔሃ ። |
|
ማኅጸንኪ እግዝእትየ ማርያም ይከብር ምስብኢተ እምጽርሐ አርያም ዘላእሉ ወእምኪሩቤል ትርብእተ ፱ተ አውራሐ ወ፭ተ እለተ ፆረ ዘኢይፀወር መለኮተ አግመረ ዘኢይትገመር እሳተ። ሰላም ለአፉኪ አፈ በረከት ትሩፍ ወአንቀጸ ቅዱስ መጽሐፍ አማሕጽነኒ ድንግል በኪዳንኪ ውኩፍ ኢይተኀፈር ቅድመ ወልድኪ ወመላእክቲሁ አዕላፍ አመ ስርወ ልሳን ይትመተር ወይትሐተም አፍ ። |
|
ሰላም ለዝክረ ስምኪ ዘመንክር ጣእሙ ለወልድኪ አምሳለ ደሙ መሠረተ ሕይወት ማርያም ወጥንተ መድኀኒት ዘእምቀዲሙ ኪያኪ ሠናይተ ዘፈጠረ ለቤዛ አለሙ እግዚአብአሔር ይትባረክ ወይትአኮት ስሙ ። |
ነግሥሰላም ለክ ገብርኤል ላዕክ፣ ትስብዕተ ፈጣሪ ዘትሰብክ፣ ኀበ ማርያም ልደተ አምላክ፣ ለዳንኤል ዘገሰስኮ ጊዜ መስዋዕተ ሠርክ፣ ምስዋዒነ ለለሳዑ ባርክ ባርክ ። ዚቅእስም ተለዐለ ዕበየ ስብሐቲከ መልዕልተ ሰማያት እምአፈ ደቂቅ ወሕጻናት አስተዳሎከ ስብሐተ ባርካ እግዚኦ ለዛቲ መካን ወረብኦ ገብርኤል ባርካ ለዛቲ መካን፣ እስመ ተለዓለ ዕበየ ስብሐቲከ መልዕልተ ሰማያት |
ነግሥክርስቶስ ብርሃን ጥንተ ቀዳማዊ ልደት፣ ሀሎ እምትካት ውእቱ ኮነ ትምህርተ ኅቡአት፣ ሠርጎ ዓለም ገባሬ መላእክት፣ ዘበጸዳለ ብርሃኑ ሰሰለ ኃይለ ጽልመት ወሞት ዚቅአብ ጎሕ ወልድ ጎሕ ወመንፈስ ቅዱስ ጎሕ፤ አሐዱ ውእቱ ጎሐ ጽባሕ፣ ዘበጸዳለ ብርሃኑ ሰሰለ ጽልመት |
መልክአ ገብርኤልሰላመ ገብርኤል መልአክ በላዕለ ማርያም ዘአዕረፈ ከመ እዜኑ ኅዳጠ ወአኮ ትሩፈ እግዚአብሔር ሀበኒ ሲሳየ ልቡና መጽሐፈ ወአፉየ ሙሴ ለእመ ኮነ ጸያፈ ጰራቅሊጦስ አሮን ይኩነኒ አፈ ። |
|
ሰላም ለዝክረ ስምከ ዘኢይተረጐም ምስጢር ባሕቱ ይመስል ብሂለ እግዚእ ወገብር ገብርኤል ኪሩብ ፀዋሬ ዓቢይ መንበር ሕዝቅኤል ዘነፀረከ በአምሳለ ብእሲ ክቡር ምስለ ገጸ ላህም ወእንስሳ ወቀሊለ ንስር ። ዚቅገብርኤል ብሂል ብእሲ ወአምላክ እምኀበ እግዚአብሄር ዘተፈነወ ላዕክ ሥጋዌ ቃል ለድንግል ይስብክ ። ወረብገብርኤል ብሂል ብእሲ ወአምላክ፤ እምኀበ እግዚአብሔር ዘተፈነወ ላእክ |
|
ሰላም ለአእዛኒከ ኆኀተ ቃለ አብ ሕያው ወለመላትሒከ ልሑያት አምሳላተ ጽጌ ዘበድው ኦ ገብርኤል መልአከ አድኅኖ ፍንው አድኅነኒ ዘአድኀንኮሙ በአክናፊከ ምንትው አመ ውስተ እሳተ ተወድዩ ፫ቱ ዕደው ። ወረብአድኅነኒ ዘአድኃንኮሙ ሊቀ መላእክት አድኅነኒ ሊቀ መላእክት ዘአድኃንኮሙ፤ ፫ቱ ዕደው አመ ውስተ እሳት ተወድዩ ዘአድኀንኮሙ |
ዚቅዘአድኀኖሙ እምዕቶነ እሳት ለአናንያ ወአዛርያ ወሚሳኤል ከማሆሙ ያድኅነነ እምኩሉ ዘይትቃረነነ። ወረብእም እቶነ እሳት ዘአድኃኖሙ ዘአድኃኖሙ ገብርኤል ሊቀ መላእክት፤ ለአናንያ ወአዛርያ ወሚሳኤል ዘአድኃኖሙ |
|
ሰላም ለአቁያጺከ ወለአብራኪከ ገሀደ እለ ያቄርባ ወትረ ለአምላከ ሰማይ ሰጊደ እግዚአ አእምሮ ገብርኤል ዘኢትፈቅድ ዕበደ ጥበበ ሐነጸት በወርኅከ ውስተ ልበ አብዳን ማኅፈደ ወአቀመት ላቲ ፯ተ አዕማደ ። ዚቅእግዚአ አእምሮ ወዜናዌ ጥበብ ዘከሰተ ለነ ዘኮነ ስውረ ውስተ ማዕምቀ ጽልመት ወሀቤ ቃለ ትፍስሕት ለእለ ይሰብኩ ዕበየ ኀይልከ ። ወረብእግዚአ አእምሮ ገብርኤል ወዜናዌ ጥበብ ዘከሰተ ለነ፤ ዘኮነ ዘኮነ ስውረ |
|
አልቦ እምሰብዕ ዘከማከየ ዘይቴክዝ ነግሐ ወሰርከ ወአልቦ እመላዕክት ናዛዜ ኅዙናን ዘከማከ ወበእንተዝ ኀሰስኩ አዕሚርየ ኪያከ ኦ ገበርኤል ናዝዘኒ ወአስምዐኒ ቃለከ እሴተ ጸሎትየ ዝንቱ ዘአቅረብኩ ለክ ። ወረብወበእንተዝ ኀሰስኩ አዕሚርየ ኪያከ፤ ኦ ገበርኤል ናዝዘኒ ወአስምዐኒ ቃለከ |
ምልጣንሚካኤል መልአክ በክነፍ ጾራ መንጦላዕተ ደመና ሠወራ ንጽሕት በድንግልና አልባቲ ሙስና ወልድ ተወልደ እምኔሀ ወልድ ተወልደ እምኔሃ ። |
ዚቅሃሌ ሃሌ ሉያ ሃሌ ሉያ አርዕየኒ ገጸከ አርዕየኒ ገጸከ ወአስምአኒ ቃለከ ነፍስየ ጥቀ ኀሠሠት ኪያከ ። ወረብሃሌ ሃሌ ሉያ ሃሌ ሉያ ገጸከ አርዕየኒ፤ ወአስምአኒ ቃለከ ሊቀ መላእክት። |
ማኅሌተ ጽጌፈትለ ወርቅ ወፈትለ ሜላት አመ በአጽባዕትኪ ተባየፁ አምሳለ መለኮት ወትስብእት እንዘ ኢየሐፁ ተአምረ ብርሃን ማርያም ለፀሐየ ጽድቅ አንቀጹ ጸገይኪዮ እንበለ አብ በሰሚዐ ቃሉ ወድምፁ ለገብርኤል መልአክኪ ዘፍሱሕ ገጹ ። ወረብአንቀጹ አንቀጹ ለፀሐየ ጽድቅ ጸገይኪዮ እንበለ አብ፤ በሰሚዐ ቃሉ ወድምፁ ለገብርኤል መልአክኪ ዘፍሱሕ ገጹ ሊቀ መላእክት። |
ዚቅመልአከ ኀይል ቅዱስ ገብርኤል መልአከ ፍስሐ በእሳት ሥዑል ሰበካ ለድንግል ምጽአቶ ለቃል ወርቀ ወሜላተ እንዘ ትፈትል ። ወረብቅዱስ ገብርኤል መልአከ ኃይል መልአከ ፍሥሐ በእሳት ስዑል፤ ሰበካ ለድንግል ምጽአቶ ለቃል ወርቀ ወሜላተ እንዘ ትፈትል |
|
ተመሲለኪ ሰማየ እንተ አስረቂ ፀሀየ ተመሲለኪ ገረህተ እንተ ፈረይኪ ስርናየ ማርያም ዘኮንኪ ለነፍሰ ሀጥአን ምጉያየ ለአቡየ ወለእምየ እለ ወለዱ ኪያየ ኢትዝክሪ ማርያም ዘገብሩ ጌጋየ። ኢትዝክር እግዚኦ ለነፍስየ ኀጢአታ ዘገብረት በአእምሮ ወበኢያእምሮታ ክድና ሳህለ ከመ ዘስሙር ወልታ ለባህረ እሳት ኢታርእየኒ ንደታ እስመ ተማህፀንኩ ለእምከ በክልኤ አጥባታ። |
|
አምላከ ምድር ወሰማያት አምላከ ባህር ወቀላያት ወአምላከ ኩሉ ፍጥረት አምላኮሙ አንተ ለአበወ ቀደምት አምላኮሙ ለነቢያት አምላኮሙ ለኀዋርያት አምላከ ፃድቃን ወሰማእት መሀረነ ለነ አምላክነ እስመ ግብረ እዴከ ንህነ ወኢትዝክር ክሎ አበሳነ። |
የምልጣኑ ምስባክመዝ ፻፪፡፳ ባርክዎ ለእግዚአብሔር ኩልክሙ መላእክቲሁ ጽኑዓን ወኀያላን እለ ትገብሩ ቃሎ ወእለ ትሰምዑ ቃለ ነገሩ ። የምልጣኑ ወንጌል ዘዮሐንስ ፲፪ ፡ ፳፱ - ፴፬ |
ምልጣንወእንዘ ትፈትል ወርቀ ወሜላተ አስተርአያ ገብርኤል ግብተ ወይቤላ እስመ ረከብኪ ሞገሰ በኀበ እግዚአብሔር ወትቤሎ ይኩነኒ በከመ ትቤለኒ ። ወረብወእንዘ ትፈትል ወእንዘ ትፈትል ወርቀ ወሜላተ፤ አስተርአያ ገብርኤል አስተርአያ ለማርያም |
እስም ለዓለምክብሮሙ ለመላዕክት ከመ መንኮራኩር ወረደ መልአከ እግዚአብሔር ኀበ ማርያም ድንግል ዘተናገሮ ለሙሴ በኀበ ዕፀ ጳጦስ ዕፀ ጳጦስ ይእቲ ማርያም ገብርኤል ሰበከ ላ ዜና ዘለአኮ ኲሎ ነገራ ። ወረብክብሮሙ ለመላዕክት ከመ መንኮራኩር ወረደ መልአከ እግዚአብሔር፤ ኀበ ማርያም ድንግል ዘተናገሮ ለሙሴ በኀበ ዕፀ ጳጦስ |
መዝሙርአቅዲሙ ነገረ በኦሪት |
አቡንዘሙሴ ሰበከ ለነ ዜናሁ ዘሙሴ ሰበከ ለነ ዜናሁ ዜነውነ ዜና ነቢያት ከመ ይመጽእ ወልድ በስብሐት ዘሙሴ ከመ ይመጽእ ወልድ በስብሐት ዘሰበከ ሙሴ በኦሪት ወኢሳይያስ ነገረ በትንቢት ዘሙሴ ገብርኤል አብሠራ ለማርያም ወይቤላ ትወልዲ ወልደ ዘሙሴ ብርሃን መጽአ ውስተ ዓለም ከመ ይቤዙ ወያድኅን ዓለመ ዘሙሴ ሰበከ ለነ ዜናሁ ዘሙሴ ሰበከ ለነ ምጽአቶ። |
በሀምስት፡ገብርኤል አብሠራ ለማርያም ወይቤላ ትወልዲ ወልደ ገብርኤል አብሠራ ለማርያም እግዚአብሔር ነግሠ፡ገብርኤል አብሠራ ለማርያም ተፈሥሒ ይቤላ ኢሳይያስ ይቤላ ሐዳስዩ ጣዕዋ ሰሎሞን ይቤላ ደብተራ ። |
ሰላምገብርኤል አብሠራ ለማርያም ወይቤላ ትወልዲ ወልደ ወይነግሥ ለቤተ ያዕቆብ ለዓለም ወአልቦ ማኅለቅት ለሰላሙ ። |
በሀምስት፡አብሠራ ወይቤላ መንፈስ ቅዱስ ይመጽእ ላዕሌኪ አብሠራ ለማርያም ወይቤላ ይትባረክገብርኤል መልአክ መጽኣ ወዜነዋ ለማርያም ጥዩቀ ሠናየ ዜና ከመ ይመጽዕ አምላክ ላዕሌሃ ። |
ሠለስትወረደ መልአክ ዘስሙ ገብርኤል ኀበ ማርያም ሀገረ ገሊላ አብሠራ ወይቤላ ትወልዲ ወልደ ዘስሙ እግዚአብሔር ምስሌነ። |
ሰላምአመ ፲ሩ ወ፱ ለወርኃ ታኅሣሥ አመ ይትጋብዑ መላእክት መልአከ ሰላሞሙ ውእቱ ገብርኤል ገብርኤል ይስዕል ምሕረተ ለእንስሳ ሣዕረ ለሰብዕ ተግባረ መልአከ ሰላሞሙ ውእቱ ገብርኤል ሚካኤል በየማነ ምስዋዕ ይቀውም አውዶ መልአከ ሰላሞሙ ውእቱ ገብርኤል መልአከ ኪዳኖሙ ውእቱ ገብርኤል ስሙ። |
መልክአ ሥላሴሰላም ለጉርኤክሙ ስቴ አንብዐ ሰብእ ዘኀሠሠ ብዑላነ ሞገስ ሥላሴ ኢታንድዩኒ ሞገሰ እመ ትትኀየዩኒሰ ወታኀድጉኒ ጽኑሰ ሚካኤልኑ ለአውጽኦ ሥጋየ ጌሠ ወእመ አኮ ገብርኤል ወሀበኒ ነፍሰ። ዚቅአድኅነነ እግዚኦ አምላክነ ረዳኤ ኩነነ ወኢትግድፈነ ወኢትትሀየየነ በዕለተ ምንዳቤነ ርዳእነ በኀይለ መላእክቲከ ከመ ኢንትኃፈር በቅድሜከ ። |
ነግሥሚካኤል ዘትቀውም በየማና ለማርያም ድንግል ወበጸጋማ ገብርኤል አብሣሬ ትስብዕቱ ለቃል፣ እቀቡነ ዘልፈ ለለመዋዕል፣ እንዘ ትሰፍሁ አክናፊክሙ ዘነበልባል፣ ወረድኤተክሙ አድኅኖ ዘይክል። ወረብሚካኤል ዘትቀውም በየማና ወበጸጋማ ገብርኤል መልአከ፣ እቀቡነ ዘልፈ ለለመዋዕል (2) ዚቅሚካኤል መልአክ በክነፍ ጾራ መንጦላዕተ ደመና ሠወራ ንጽሕት በድንግልና አልባቲ ሙስና ወልድ ተወልደ እምኔሃ ወልድ ተወልደ እምኔሃ |
|
ንዌጥን ዝክረ ውዳሴሆሙ ለነቢያት ወሐዋርያት ለጻድቃን ወሰማእት ለአእላፍ መላእክት ዘራማ ሐይላት ለምልእተ ፀጋ ማርያም ቡርክት ወለሥግው ወልዳ ነባቢ እሳት ። ንዌጥን ዝክረ ወድሶታ ለመንፈሳዊት ርግብ ዘመና ልሁብ እምከናፍሪሃ ይወኅዝ ሀሊብ ተፀውረ በማህፀና እሳት ዘኮሬብ ወኢያውአያ ነድ ወላሕብ። |