ድንቅ ነው በጣም

ድንቅ ነው በጣም ድንቅ ነው /2/ በሠርጋችሁ እለት ተገኘ መድኃኔዓለም በሠርጋችሁ እለት ተገኘች ድንግል ማርያም በቃልህ ተመርተው ለዚህ ቀን በቅተዋል በፊትህ ጋብቻን ይኸው ፈጽመዋል በፈሰሰው ደምህ ኅብረት መስርተዋል በሥጋም በነፍስም /2/የአንተ ነን ብለዋል አዝ --- ከአዳም አንድ አጥንት ከጐኑ ወስደህ አጋር እንድትሆነው ሔዋንን ሰጠህ ሁለቱንም ባርከህ እንደፈጠርካቸው ዛሬም ለሙሽሮች/2/ ሰላምን ስጣቸው አዝ --- ጌታ ሆይ በሕግህ በቃልህ መሠረት አንድ ሆነዋልና በዚህ ቅዱስ እለት እርሱንም እሷንም ባርከህ ቀድሳቸው ዘለዓለማዊ ፍቅር /2/ ጽናትን ስጣቸው አዝ --- የዲያቢሎስ ተንኮል እንዳያስታቸው እስከ መጨረሻው ጋሻ ሁንላቸው ከቅድስቲቷ ቤት ሁለቱም ሳይርቁ ጽናቱን ስጣቸው /2/ አብረው እንዲዘልቁ